Thursday, May 2, 2019

AVENGERS - END GAME!!!


Share/Bookmark

இந்தியா திரைப்படங்களுக்கான ஒரு மிகப்பெரிய மார்க்கெட். அவற்றை ஆங்கிலப்படங்கள் தற்பொழுது மிகப்பெரிய அளவில் பயன்படுத்திக்கொள்ள ஆரம்பித்திருக்கிறது. ரொம்பவெல்லாம் இல்லை…  இந்த அவெஞ்சர்ஸ் தொடரின் ஒவ்வொரு பாகமும் எப்படி இந்தியாவில் வரவேற்பைப் பெற்றது என்று கவனித்தாலே இந்தியாவில் அவர்களில் அசுர வளர்ச்சி தெரியும். அவெஞ்சர்ஸ் முதல் பாகம் வழக்கமாக டப்பிங் செய்யப்படும் Fantastic 4, X-men வகையிலான அளவில் தான் வரவேற்பைப் பெற்றது. அடுத்து age of ultron இன்னும் அடுத்த படியில் இருந்தது. Black Panther, Thor-Ragnarok  படங்களைத் தொடர்ந்து வந்த அவெஞ்சர்ஸ் infinity war அதற்கு முன்னர் வந்த எந்த படங்களிலும் இல்லாத அளவிற்கு வரவேற்பைப் பெற்றது. வசூலில் மட்டுமல்லாமல்

நமது மொழியின் சூப்பர் ஹீரோவை எப்படி வரவேற்போமோ அதே போல ஒவ்வொரு சூப்பர் ஹீரோவின் அறிமுகத்திற்கும் அப்படி ஒரு ஆரவாரம் திரையரங்குகளில். தற்பொழுது வெளியான end game அனைத்தையும் தூக்கி சாப்பிட்டு விட்டது. முதல் முறையாக ஒரு வேற்று மொழி திரைப்படத்திற்கு நள்ளிரவுக் காட்சி முதல் 24 மணி நேரமும் தொடர்ந்து காட்சிகள். அத்தனையும் அரங்கு நிறைந்த காட்சிகள்.  இத்தனை வருட தமிழ் சினிமா வரலாற்றில் ரஜினி, விஜய், அஜித் இவர்களைத் தவிற இந்த நள்ளிரவுக் காட்சிகள், 24 மணி நேரமும் காட்சிகள் என எந்த நடிகரும் பார்த்த்தில்லை.

மிக அரிதாக நடக்கக் கூடிய சம்பவங்களில் ஒண்று இந்த அவெஞ்சர்ஸ் எண்ட் கேம். இத்தனை சூப்பர் ஹீரோக்களை அறிமுகப்படுத்தி, அவர்களை ஒரே கதைக்குள் கொண்டு வந்து, அவர்களை ஒரே படத்தில் நடிக்க வைப்பது என்பது சாதாரண விஷயமில்லை. இன்னும் KGF ராக்கி ஸ்டைலில் சொல்லப்போனால் ”எதோ நாலு சூப்பர் ஹீரோ நடிச்ச படம் இல்லடா.. இந்தப் படத்துல நடிச்ச அத்தனை பேருமே சூப்பர் ஹீரோதாண்டா”. இப்படி இத்தனை சூப்பர் ஹீரோக்களை மறுபடி இன்னும் படத்தில் கொண்டு வருவதற்கு பல வருடங்கள் ஆகலாம். அப்படி ஒரு சம்பவம் நடக்காமல் கூட போகலாம். மார்வெல்லுக்கே இப்படி ஒரு சம்பவத்தை செய்ய கிட்டத்தட்ட பன்னிரெண்டு வருடங்கள் மற்றும் 22 படங்கள் தேவைப்பட்டிருக்கிறது.  சரி இந்த Avengers –End game  எப்படி இருக்கிறது என்று பார்க்கலாம்.

6 மந்திரக் கற்களையும் எடுத்து, பூமியின் பாதி மக்கள் தொகையை தானோஸ் அழிப்பதோடு முடிந்தது  போன பாகம். ஒரு சில சூப்பர் ஹீரோக்கள் மக்களோடு மக்களாக அழிந்து போய்விட மீதமிருப்பவர்கள் எப்படி தானோஸுடன் மோதி உலகத்தை  பழையபடி மாற்றுகிறார்கள் என்பது தான் end game.

இதற்கு முந்தைய இன்ஃபினிட்டி வார் பகுதியில், ரெண்டே முக்கால் மணி நேர படம் என்றால் இரண்டரை மணி நேரம் சண்டை மட்டும் தான். முந்தைய பாகங்கள் பார்த்தாலும் பார்க்காவிட்டாலும் திரைப்படத்தைப் பார்த்துவிட்டு வந்துவிடலாம். ஆனால் இந்தப் பகுதி அப்படி அல்ல. மூன்று மணி நேர திரைப்படத்தில் கடைசி அரை மணி நேரம் தவிர்த்து மற்றவை அனைத்தும் வசனங்களுடன் கூடிய காட்சிகள் தான்.

அவெஞ்சர்ஸில் நிறைய சூப்ப்ர ஹீரோக்கள் வந்து சண்டையிட்டாலும், கதையின் பின்னணி Captain America மற்றும் Thor இரண்டு படங்களைச் சார்ந்து தான் நிகழும். அதுவும் இந்த End game இல் thor மற்றும் Captain America வின் முந்தைய பகுதிகளோட தொடர்புடைய காட்சிகள் நிறைய இருப்பதால் அந்தப் படங்கள் பார்க்காமல் இந்த End game பார்ப்பவர்களுக்கு கொஞ்சம் சலிப்பும், எங்கெங்கு காட்சிகள் நடைபெறுகின்றன என்பதில் நிறைய குழப்பமும் இருக்கலாம்.

முதல் இரண்டு மணி நேர திரைப்படம் சொல்லப்போனால் பெரிய அளவில் எந்த ஈர்ப்பும் இல்லாமல், எந்த ஒரு பெரிய ஸ்டண்டும் இல்லாமல் ஏனோ தானோவென்று செல்கிறது. ஏற்கனவே பல முறை பார்த்து சலித்த டைம் ட்ராவல் கான்செப்டிலும் கொஞ்ச நேரம் படம் பயணிப்பது பெரிய அளவில் எடுபடவில்லை. தூக்கம் லேசாக கண்ணைக் கட்டும்போது சூடு பிடிக்கிறது படம். கடைசி அரை மணி நேரம். தாறு மாறு…

அத்தனை சூப்பர் ஹீரோக்களும் ஒன்றாக வந்து நிற்கும் அந்தக் காட்சியிலும், Thor ன் பழைய சுத்தியல் கேப்டன் கைக்கு செல்லும் அந்தக் காட்சியிலும் புல்லரிக்கிறது.

Hulk இன் கேரக்டர் infinity war இலும் சரி இந்த end game மிலும் சரி சற்று டொம்மையாக்கப் பட்டிருக்கிறது. முதல் இரண்டு பகுதிகளில் hulk தான் பட்டையைக் கிளப்புவார். அவர் எப்பொழுது மாறுவார் என்பதைப் பார்ப்பதே ஒரு சுவாரஸ்யமானதாக இருக்கும். ஆனால் கடந்த இரண்டு பகுதிகளிலும் hulk கேரக்டர் பெரிதாக எடுபடவில்லை.

தானோஸ் மிகப்பெரிய வில்லனாக சித்தரிக்கப்பட்டாலும் அவர் உருவ அமைப்பு பார்க்க பரிதாபமாக இருக்கிறது. அதுவும் தோட்டத்தில் பழம் பறித்துக் கொண்டிருப்பவரை இவர்கள் மொத்தமாக சென்று சுற்றி வளைத்து கொல்லும் காட்சியில் தானோஸ் மேல் பரிதாபம் தான் வந்தது. கடைசி காட்சியில் பூமியில் மொத்தமாகச் சேர்ந்து அவரை அடிக்கும் போதும் "நாலு பேரா சேந்து வந்து அடிக்கிறவன்லாம் ரவுடி இல்லடா..ஒத்தையா நின்னு அடிவாங்குறான் பாரு அவன்ந்தான் ரவுடி" என்பது போல முகத்தைப் பார்க்க பாவமாக இருந்தது.

ஸ்பைடர் மேன், ஆண்ட் மேன், கேப்டன் மார்வெல் போன்ற தேவையில்லாத ஆணிகள் அவ்வப்போது வந்து செல்கின்றன. படத்தில் இருக்கும் அத்தனை பேருமே முக்கியமான கதாப்பாத்திரங்கள் என்பதால் அனைவருமே கொஞ்ச கொஞ்ச நேர காட்சிகள்.

இந்த மார்வெல் சீரிஸின் 22 படங்களில்  அவெஞ்சர்ஸ் தவிர்த்து எனக்கு மிகவும் பிடித்த படங்கள் Thor-Ragnarok, Captain America- Civil war, Doctor strange, Black Panther. நேரமிருப்பவர்கள் பார்க்கலாம். வரிசையாகப் பார்ப்பது நலம். தனித் தனியாகப் பார்த்தாலும் ஒருசில லிங்குகள் புரியாதே தவிற சுவாரஸ்யமாகவே இருக்கும்.

மொத்ததில் ஒரு மிகப்பெரிய சினிமாத் தொடருக்கான நல்லதொரு முடிவுப் பகுதி. கொஞ்சம் பொறுமையும் அவசியம். 

Thursday, April 4, 2019

சூப்பர் டீலக்ஸ் ரசிகர்கள் Vs சுமார் திரைப்பட ரசிகர்கள்!!!


Share/Bookmark


நம்ம தமிழ்நாட்டுல சினிமா ரசிகர்களைப் பொறுத்த அளவு மூணு வகை..ஒண்ணு எதாவது ஒரு நடிகரை சார்ந்த ரசிகர்கள். அவங்களோட ஃபேவொரெட் நடிகரோட படங்களுக்கு எப்பாடு பட்டாவது சப்போர்ட் பன்றவங்க. அந்த நடிகருக்கு போட்டியா இருக்க நடிகரோட படங்கள் எப்படி இருந்தாலும் அத ஓட்டு ஓட்டுன்னு ஓட்டுறவங்க. இந்த ரசிகர்களோட கருத்து இவங்க வந்து அவனுக்கு பிடித்த, பிடிக்காத ரெண்டு நடிகர்களத் தவற மத்தா எல்லா படங்களுக்கும் கரெக்டான கருத்து சொல்லுவானுங்க. தமிழ்நாட்டுல பெரும்பாலானவங்க இவங்கதான். தமிழ்சினிமா தயாரிப்பாளர்கள் இன்னும் வாழ்ந்துகிட்டு இருக்க முக்கிய காரணமும் இந்த மாதிரியான ரசிகர்கள்தான்.

ரெண்டாவது இந்த நடுநிலை ரசிகர்கள். அதாவது  நடுநிலை அப்டின்னு சொல்றதவித எந்த நடிகர் மேலயும், இயக்குனர் மேலயும் ஏன்  சினிமா மேல கூட அவ்வளவு ஆர்வம் இல்லாம என்னத்த கன்னையா மாதிரி இருக்கவங்க. இவய்ங்கள பெருசா ஒண்ணும் கண்டுக்க தேவையில்ல. ஏன்னா இவய்ங்க யாருமே தியேட்டர்ல படம் பாக்க மாட்டானுங்க. பஸ்ஸுல, காலேஜ்ல, ஆபீஸ்லன்னு யார்கிட்ட என்ன படம் இருந்தாலும் வாங்கி பாப்பானுங்க. இவய்ஙளுக்கு எல்லா படமுமெ நல்லாருக்க மாதிரி தான் தெரியும். ஏன்னா பாட்ட ஓட்டிருவானுக, ஃபைட்ட ஓட்டிருவானுக… ஒரு சீன் போர் அடிச்சிதுன்னா ஒட்டிருவானுக்க. ரெண்ட்ரை மணி நேரம் ஓடுற ஒரு பட்த்த அதிகபட்சம் முக்கா மணி நேரத்துல பாத்து முடிச்சிருவானுக. இவனுகளால பெரிய அளவுல சினிமாவுக்கு  ஒரு புரயோஜனமும் இல்ல. 200 கோடில பாகுபலி எடுத்தாலும் சரி, 300 கோடில எந்திரன் எடுத்தாலும் இவங்களுக்கு அது 400 MB தான்.

அடுத்து மூணாவது குரூப்பு தமிழ் சினிமாவை அடுத்த கட்டத்துக்கு எடுத்து செல்லும் படங்களை ஆதரிப்பவர்கள். இவயங்கதான் ரொம்ப டேஞ்சராஜ குரூப்பு. இவங்கள கண்டுபுடிக்கிறது ரொம்ப ஈஸி… Bro உங்க ஃபேவொரெட் படம் பேரு ஒண்ணு சொல்லுங்க ப்ரோன்ன உடனே யோசிக்காம “அன்பே சிவம்”… அப்டின்னான்ன நீங்க யோசிக்காம 2 ஸ்டெப் பேக் போயிருங்க. அடுத்த கேள்வி… உங்களுக்கு பிடிச்ச் இயக்குனர் யாருன்னு கேளுங்க… “ராம்” “தியாகராஜா.. குமார்ராஜா” இப்டி எதாவது ஒரு பேர சொன்னான்னா முடிஞ்சிது. அதுக்கப்புறம் அவன் பக்கம் தலை வச்சி படுத்துறாதீங்க.. ரொம்ப டேஞ்சர்.

இவய்ங்களோட முக்கியமான வேலை என்னன்னா, most underrated இயக்குனர்கள கண்டுபுடிச்சி எழுதுற்துதான். அதாவது அதன் மூலமா என்ன சொல்லுவானுங்கன்னா இவரு ரொம்ப நல்ல டைரக்டரு… இவரோட திறமைய நா மட்டும்தான் சரியா புரிஞ்சிக்கிட்டு இருக்கேன். நீங்கல்லாம் இவர அண்டர் ரேட் பன்னி வச்சிருக்கீன்றதுதான். 

இவனுங்கள நல்லா உற்று நோக்குனா தெரியும்.. இந்த ப்ளாக் காமெடிங்குற பேர்ல சிரிப்பே வராத மாதிரி சில படங்கள் வரும்ல.. அதெல்லாம் பயங்கரமான காமெடி படங்கள்னுவானுங்க. நம்ம எதிர்த்து எதாவது சொன்னா நம்மளுக்கு சினிமா அறிவு இல்லைன்னுவானுக.. இல்லன்னா நம்மள C செண்டர் ஆடியன்ஸூன்னுவானுக… அதயும் மீறி நாம எதாவது சொன்னோம்னா  “ப்ரோ.. ஆக்சுவலா உங்களுக்கு இந்தப் படம் புரியல.. இன்னும் ஒரு ரெண்டு தடவ பட்த்த பாத்து புரிஞ்சிகிட்டு என்கிட்ட வந்து பேசுங்கன்னுவானுக… ஏண்டா ஒருதடவே படத்த பாக்க முடியாமத்தான் இங்க வந்து குத்த வச்சிருக்கேன். இதுல இன்னும் ரெண்டு தடவையா… அப்டின்னு அதோட ஓடிருவானுக.

இல்லன்னா குறியீடு கண்டுபுடிப்பாங்க.. இந்த ஷாட்ல ஏன் ப்ளூ கலர் லைட்டிங்க் வச்சிருக்காங்க தெரியுமா? பேக்ரவுண்டுல அந்த சுவத்துல ஏன் பூனை படம் வரைஞ்சிருந்துச்சி தெரியுமா? இந்த சீன்ல கேமரா ஆங்கிள கீழ வச்சதனால டைரடர் இன் டைரக்டா என்ன சொல்ல வர்றாரு தெரியுமா? டேய் இதெல்லாம் மொதல்ல அந்த டைரக்டருக்கு தெரியுமா?  
இவய்ங்க என்ன பண்ணி விட்டுருவானுங்கன்னா இப்டி குறியீடு கண்டுபுடிக்கிறேன், ஸ்க்ரீன் ப்ளேய அனலைஸ் பன்றேன் அப்டின்னு அந்த படத்த எடுத்த இயக்குனருக்கே தெரியாத விஷயங்கள எழுதி எழுதி அந்த இயக்குனர்களை உத்தமபுத்திரன் விவேக் மாதிரி ஆக்கி விட்டுருவானுங்க.. “அப்ப என்னோட பவர் தெரியாமலேயே நான் இவ்வளவு நாள் வாழ்ந்துகிட்டு இருக்கேன்”ன்னு அந்த இயக்குனர்கள் வேற உலகத்துல வாழ்ந்துகிட்டு இருப்பாங்க. விளைவு என்ன… பரிசு குடுக்க மேடைக்கு கூப்டா ஏன் என்னோட படத்துக்கு பரிசு குடுக்கல.. ஏன் இந்த பாட்டுக்கு குடுக்காம அந்த பாட்டுக்கு குடுக்குறீங்கன்னு ஆங்கர் பன்றவன்கிட்ட போய் சண்டை போட வேண்டியதாயிரும்.  அடுத்த வருஷம் ஃபங்க்‌ஷனுக்க்கே கூப்ட மாட்டானுங்க.

இந்த மாதிரி இந்த மூணாவது குரூப்பு கண்டுபுடிச்ச ஒரு அண்டர் ரேட்டட் இயக்குனர்தான் தியாகராஜா குமார்ராஜா… ஆரண்ய காண்டம்னு ஒரு படம்.. ஓடல.. ஆனா நம்ம குருப்பு அந்தப் படத்த identify பன்னிட்டாங்க பல வருடங்களுக்கு அப்புறம் இந்த தியாகராஜா குமார்ராஜா படம் எடுக்குறாரு…பட்த்துக்கு ட்ரெயிலர் ஒண்ணு விட்டுருந்தாரு பாருங்க.. ச்சை.. ஆனா நம்ம குரூப்பு அந்த ட்ரெயிலர்லயே தாத்தா தெரிறாரு… பக்கத்து வீட்டு பாட்டி தெரியிதுன்னு ஆயிரம் குறியீட கண்டுபுடிச்சி படம் வர்றதுக்கு முன்னாலயே விமர்சனம்லாம் எழுதி வச்சிகிட்டு படம் ரிலீஸூக்காக காத்திருந்து படம் வந்தப்புறம் அப்படியே கக்கிட்டாங்க.
 
அப்படி ஒரு ஓவர் பில்ட் அப் கொடுக்கப்பட்ட படம் தான் இந்த சூப்பர் டீலக்ஸ். ஒருத்தன் என்னான்னா தமிழ்சினிமாவோட அடுத்த கட்டம்ன்றான். இன்னொருத்தன் என்னடான்னா இவர மாதிரி டைரக்டரு ஒலகத்துலயே இன்ல்லன்றான்… சரி என்னா பன்னி வச்சிருக்கானுங்கன்னு பாக்கலாம்னு தியேட்டருக்கு போனா.. ச்சை…

இதுல படம் பாத்தவியிங்க ஸ்டேட்டஸூ.. இந்தத் திரைப்படத்தை அவ்வளவு சாதாரணமாக கடந்து போக முடியவில்லை. உண்மைதான் அந்த முணு மணி நேரத்த கடந்து போறதுக்குள்ள நா பட்ட பாடு இருக்கே… அய்யயோ… அருவை… அருவை… அருவை..

படம் வந்து எந்த காலகட்டத்துல நடக்குதுன்றதே பெரியபியூஷனா இருக்கு. Background ல ஃபுல்லா ஒரே பழைய பாட்டுங்களா ஓடுது. காதாப்பத்திரங்கள் வாழுற வீடு, உபயோகிக்கிற பொருட்கள்ணூ எல்லாத்துலயும் ஒரு ரெட்ரோ எஃபெக்ட் இருக்கு. நாம எதோ 80s ல நடக்குற கதை போலன்னு நினைச்ச்சா இல்ல. இப்ப நடக்குற கதை தான். அதுவே பெரிய கடுப்பு.

அதவிட பெரிய கடுப்பு படம் எத நோக்கி பயணிக்கிதுன்னு கடைசி வரைக்குமே நம்மளால கண்டுபுடிக்க முடியாது. படத்துல ஒரு கதை இருந்தா குத்து மதிப்பா இந்த இட்த்துல இண்டர்வல் விடுவாங்க இந்த இட்த்துல படம் முடியும்னு ஒரு அனுமானம் நமக்க் இருக்கும். ஆனா இந்த பட்த்த பொறுத்த அளவு இண்டர்வல் எப்ப வரும்னு நம்மாளால சொல்ல முடியாது, படம் எப்ப முடியும்னும் நம்மளால சொல்ல முடியாது. அவனுங்களா மனசு வச்சி பட்த்த முடிச்சி விட்டாதான் உண்டு.
படம் முழுக்க. ரொம்ப ஆக்வர்டான காட்சிகளால நஎிரம்பி வழியிது. விஜய் சேதுபதிய போலீஸ் இன்பெக்டர் ஸ்டேஷன்ல மிரட்டுற காடையாகட்டும், ஃபகத் ஃபாசில் தண்ணியடிச்சமாதிரி கார்ல புலம்புற காட்சியாகட்டும் அருவருப்போட உச்சம். இது ஒரு மாதிரியான அருவருப்புன்னா மிஷ்கின் ரம்யாகிருஷ்ணன் வர்ற காட்சிகள் அருவையோட உச்சம். சத்தியமா தலைவலிதான் வந்துச்சு. இதெல்லாம் பத்தாதுன்னு ஏலியன்லாம் வேற பட்த்துல வந்துட்டுட்டு போகுது. பைத்தியமா இவன் .. ரொம்ப நேரம் நல்லவன் மாதிரித் தெரிஞ்சானேய்யா…

அடுத்த கட்ட சினிமான்றது சென்சார் பன்னாம கெட்ட வார்த்தைகள விடுறதுலயோ , இலைமற காயா காமிக்க வேண்டிய சில விஷயங்கள explicit ah காமிக்கிறதுலயோ இல்ல.  அடுத்தகட்டம்ன்றது technical excellence தானே தவிற இந்த மாதிரி கருமம் புடிச்ச படங்கள் இல்ல.

நம்ம கதையவே நாம இன்னும் சுவாரஸ்யமா, technically strong ah எப்டி சொல்றோம்றதுதானே தவிற இந்த மாதிரி மூன்றாம் தர திரைப்படங்கள் நிச்சயமா தமிழ்சினிமாவின் அடுத்த கட்டம் இல்லை. நமக்குன்னு ஒரு அடையாளம் இருக்கு. நாம ஏன் அடுத்த நாட்டு படம் மாதிரி எடுக்கனும்னு ஆசைப்படுறோம்? நம்ம நம்ம நாட்டு படம் மாதிரி எடுப்போம். தெலுகு சினிமால இதப் பன்றாங்க. ஒரு சில படங்கள் நகைப்புக்குள்ளாக்குனாலும்  பெரும்பாலான படங்கள் அடுத்தடுத்த கட்டத்துக்கு போயிட்டு இருக்கு. Technically நம்மள விட அட்லீஸ்ட் அஞ்சு வருஷமாவது முன்னால இருக்காங்க.. இத நாஞ்சொன்னா என்ன தெலுங்குகாரன்னு சர்டிஃபிகேட் குடுக்குறானுக.

இந்த சூப்பர் டீலக்ஸ் மாதிரி படங்களால நிச்சயம் திரையரங்கிற்கு மக்களோட வரத்த கம்மி பண்ணும். எதோ முகம் தெரியாத நாலு பேர வச்சி இதே பட்த்த எடுக்குற பட்சத்துல யாரும் இந்தப் பட்த்த மதிச்சிருக்கப்போறதில்ல.  அன்னிக்கு பாத்தா அவ்வளவு கூட்டம் கூட்டமா குடும்பத்தோட படம் பாக்க வந்துருக்காங்க. காரணம் ஃபஹத் ஃபாசிலோ இல்ல தியாகராஜா கொமாரராஜாவோ இல்லை. விஜய் சேதுபதி திருநங்கையா நடிச்சிருக்காரு.. படம் நல்ல ஜாலியா போகும்ன்ற ஒரே காரணம்தான்.  அவங்கல்லாம் அடுத்த தடவ நம்பி குடும்பத்தோட ஒரு படத்துக்கி வருவாங்களா? A CERTIFICATE போட்டு வச்ச படத்துக்கு உங்கள யார் குடும்பத்தோட வரச்ச்சொன்னதுன்னு சிலர் கேள்வீ வேற? Violence க்கும் A certificage than.. vulgarity க்கும் A certificate தான். Violence tha குடும்பதோட பாக்க முடியும். Vulgar ah இருக்க படங்கள குடும்பத்தோட பாக்க முடியாது. படம் பாக்குறதுக்கு முன்னால எத்தனை பேரு படம் A certifiaacte ah u certificate ah nu  பாத்துட்டு புக் பன்றது? இன்னும் நம்ம ஊர்ல நடிகர்களப் பாத்துதான் புக் பன்றாங்க.

உண்மையிலயே நடிகர்களுக்கு தான் அந்த ரெஸ்பான்ஸிபிலிட்டி இருக்கனும். ஏற்கனவே சொன்னதுதான். விஜய் சேதுபதிக்குன்னு ஒரு ரசிகர் பட்டாளம் உருவாயிருக்கு. அவர் படங்களுக்கு போன ஜாலியா சிரிச்சிட்டு வரலாம்னு ஒரு இமேஜும் உண்டாயிருக்கு. அத அப்டியே குழியில தூக்கி போட்டு பொதைக்கிற மாதிரி தான் இந்தப் படம் வந்துருக்கு. ஒரு நடிகனோட அடுத்த கட்டம் ரசிகன மதிச்சி அவனுக்கு பிடிச்ச மாதிரி படங்கள கொடுக்குறதுதான். ரசிகர்கள மதிக்காத நடிகர்கள் பல பேர் இருக்க இடம் தெரியாம பொய்ட்டாங்க. விஜய் சேதுபதியும் அதை நோக்கிதான் போயிட்டு இருக்காரு.

விஜய் சேதுபதி பையனா வர்ற அந்த சின்னப் பையன் பட்டைய கிளப்பிருக்கான். விஜய் சேதுபதி தாத்தா அடிக்கிற கமெண்ட்ஸ், விஜய் சேதுபதி மிஷ்கின்கிட்ட மன்னிப்பு கேக்குற சீன்னு அங்கங்க சில நல்ல காட்சிகளையும் மத்த காட்சிகள் நாரடிச்சி வச்சிருது

மொத்தத்துல இந்த மாதிரி சினிமாக்களை புறக்கணிக்கிறதுதான் தமிழ்சினிமா நீண்ட நாள் உயிரோட இருக்க நாம செய்யிற உதவியா இருக்கும்.   



Sunday, March 3, 2019

தடம் விமர்சனம் – No Spoilers- Athiradikkaran!!


Share/Bookmark


சட்டத்தில் இருக்கும் ஓட்டைகள் நிரபராதிகள் தண்டிக்கப்படக் கூடாது எனதற்காக உருவாக்கப்பட்டவையே” என்கிற வாசகத்துடன், உண்மைச் சம்பவங்களை அடிப்படையாகக் கொண்ட கதை என துவங்குகிறது இந்த “தடம்”.இரண்டு வெவ்வேறு வாழ்க்கை முறைகளில் வாழும் இரண்டு கதாப்பாத்திரங்கள்.. ஒரு கொலை.. சிக்கும் ஒரே ஒரு எவிடென்ஸ்.. அதை வைத்து கொலைகாரனை நெருங்குவது தான் கதை.

பொதுவாக இன்வெஸ்டிகேஷன் த்ரில்லர் திரைப்படங்களில் நிறைய சஸ்பெக்ட்ஸ் இருப்பார்கள். பார்வையாளர்கள் உண்மையான கொலைகாரனை தவிற மற்றவர்களை சந்தேகப்படும்படியாக காட்சிகள் அமைக்கப்படும். இறுதியில் நாம் எதிர்பார்க்காத ஒருவர் கொலைகாரனாக இருக்கும் பட்சத்தில் நிச்சயம் அந்த திரைப்படம் நம்மைக் கவரும்.

இந்த தடம் திரைப்படத்தை பொறுத்த அளவு இது அப்படியே மாறு படுகிறது. ஆடியன்ஸ் மண்டையைப் போட்டு குழப்பிக்கொள்ளத் தேவையில்லை. கொலைகாரன் யார் என்பதற்கு மொத்தமே மூன்றே மூன்று வாய்ப்புகள் தான். சஸ்பெக்ட் A அல்லது சஸ்பெக்ட் B அல்லது சஸ்பெக்ட் A + B. இவ்வளவு தான் . இடைவேளை தாண்டிய பிறகு இப்படி ஒரு மிகக் குறுகிய வட்ட்த்திற்கும் படம் அடைபடுகிறது.

முதல் பாதி மிக மிக சுமாரான காட்சிகளுடன் பயணிக்கிறது. அடுத்து அந்தக் கொலை. பிறகு அதற்கான விசாரணை. விசாரணையும் சீட்டின் நுனிக்கு நம்மை தள்ளும் அளவிற்கெல்லாம் இல்லாமல் எதோ செல்கிறது. ஒரு  கட்டத்தில் காவல் துறையே கொலைகாரனை கண்டுபிடிக்க முடியாமல் சலித்துப் போக, அதை விட படம் பார்க்கும் நமக்கு சலிப்பாக இருக்கிறது.

எது எப்படி இருந்தாலும் அந்த க்ளைமாக்ஸ் நாம் எதிர்பார்க்காத ஒரு புது விதமாக இருக்கும் பட்சத்தில் மேற்கூறிய அனைத்தும் காணாமல் போய்விடும். ஆனால் க்ளைமாக்ஸ் மிகப்பெரிய ஒரு திருப்பத்தையோ அல்லது ஒரு வியப்பையோ நமக்கு ஏற்படுத்தும் விதமாக இல்லாதது ஏமாற்றம்.

அருண் விஜய், மகிழ் திருமேணி கூட்டணியில் இதற்கு முன் வந்த தடையற தாக்கவும் சரி, மகிழ்திருமேனி, ஆர்யா கூட்டணியில் வெளிவந்த மீகாமனும் சரி. எனக்கு மிகவும் பிடித்த படங்கள். இந்த தடம் திரைப்படமும் மேக்கிங்கில் கிட்டத்தட்ட அந்த இரண்டு திரைப்படங்களின் தரத்தில் இருந்தாலும் கண்டெண்ட் மிகவும் குறைவு.

அருண் விஜய்.. ஆள் பார்க்க ஃபிட்டாக இருக்கிறார். 6 பேக்கை CG யில் உருவாக்கியிருக்கிறார்கள். பல மாதங்கள் தாமதத்திற்குப் பிறகு இத் திரைப்படம் வெளிவந்திருப்பதால், யோகி பாபுவும் இரண்டு வருடங்களுக்கு முன்பிருந்தது போல அடக்கி வாசித்துக்கொண்டு வெறுமனே வந்து போகிறார்.

மொத்ததில் இருபது நிமிடத்திலிருந்து அரைமணி நேரம் வரை ஓடக்கூடிய ஒரு குறும்படமாக இதை இயக்கியிருந்தால் simple & effective வாக இருந்திருக்கும். அந்த க்ளைமாக்ஸிற்காக இரண்டு மணி நேரம் நம்முடைய பொறுமையை சோதித்த்து சற்று அதிகம் என்றே தோன்றியது.

Wednesday, February 20, 2019

ரஜினி அரசியல் ! பதறும் கட்சிகள் ! இதுதான் ரஜினி ஸ்டைல்


Share/Bookmark
பாராளுமன்ற தேர்தலைப் பற்றி ரஜினியின் அறிக்கையும் அதற்கான எதிர்வினைகளும்...


Click here for direct you tube video link







To subscribe Youtube channel Please click here 

தில்லுக்கு துட்டு விமர்சனம் !!!


Share/Bookmark
தில்லுக்கு துட்டு வீடியோ விமர்சனம்


To subscribe Youtube channel Please click here 

விஸ்வாசம் விமர்சனம்!!!


Share/Bookmark
விஸ்வாசம் வீடியோ விமர்சனம்



To subscribe Youtube channel Please click here 

Tuesday, February 5, 2019

வந்தா ராஜாவாத்தான் வருவேன்..!!!


Share/Bookmark


ஒரு திரைப்படம் உருவாகும்போது அது எந்த மொழியில் உருவாகுது, எந்த வட்டாரதை சார்ந்து உருவாகிறது, என்ன மாதிரி ரசனை உடைய மக்களை சென்று சேரப்போகிறது அப்டிங்குறதயெல்லாம் மைண்ட்ல வச்சித்தான் காட்சிகள் அமைக்கப்படும். அதெ ஒரு படத்த மொழியிலருந்து இன்னொரு மொழிக்கு ரீமேக் பன்னும்போது அந்த மொழிக்கு ஏற்ற மாதிரி ஒரு சில மாற்றங்களைச் செய்வது அவசியம். அப்படி மாற்றங்களை காணாத படங்கள் நிச்சயம் தோல்வியைத்தான் சந்திக்கும். 

ஒரு நல்ல ரீமேக், மோசமான ரீமேக் ரெண்டுக்குமே டபாங் ஒரு பட்த்தை உதாரணமா எடுத்துக்கலாம். ஒரே படம் தமிழ்லயும் ரீமேக் செய்யப்படுது. தெலுங்குலயும் ரீமேக் செய்யப்படுது. தமிழ்ல அட்டர் ஃப்ளாப்.. தெலுங்குல ஒரிஜினல் டபாங்க விட மிகப்பெரிய சூப்பர் டூப்பர் ஹிட். காரணம் மேல சொன்னதுதான். தெலுங்குல அந்தப் படம் அந்த மக்களுடைய ரசனைக்கு ஏற்ற மாதிரி தேவையான மாற்றங்கள் செய்யப்பட்ட்து. தமிழ்ல அது செய்யல. சரி இப்ப இந்த வந்தா ராஜாவாத்தான் வருவேன் எப்டி இருக்குன்னு பாப்போம்.

படத்தோட கதை ஏற்கனவே தெரிஞ்சிருக்கும். சின்ன வயசுல கோச்சிட்டு போன அத்தைய சமாதானம் பன்னி கூட்டிட்டு போக வெளிநாட்டுலருந்து இந்தியா வர்ற ஹீரோ என்னெல்லாம் பன்றாருன்றது தான் ஒன்லைன்.

நல்ல படங்களை நாசம் செய்வது எப்படின்னு ஒரு புத்தகம் எழுதுனா இந்த வந்தா ராஜாவாத்தான் வருவேன் படத்த ஒரு முக்கியமான கேஸ் ஸ்ட்டியா எடுத்துக்கலாம். ஒரு ரீமேக்க எப்டியெல்லாம் பன்னக்கூடாதோ அப்டியெல்லாம்  அத்தனையும் ஒரே பட்த்துல பன்னி வச்சிருக்காங்க. அத்தனை ரெக்கார்டுகளையும் உடைச்ச ஒரு படத்த ரீமேக்குன்ற பேர்ல கொத்துக்கரி போட்டு வச்சிருக்காங்க.

வீடியோ விமர்சனம்



ஒரிஜினலுக்கு ரீமேக்கும் என்ன வித்யாசம்? என்ன ப்ரச்ச்னை? முதல் ப்ரச்சனை படத்தோட காஸ்டிங். அத்தாரிண்டிக்கி தாரெதி படத்தோட ரீமேக்குக்கு தமிழ்ல கரெக்டான ஒரு ஹீரோ விஜய் மட்டும்தான். வேற யாரயும் நினைச்சுக் கூட பாக்க முடியாது. விஜய் கூட பவன் கல்யாண 100% ரீப்ளேஸ் பன்ன முடியாது. கண்டிப்பா ஒரு அதுல ஒரு 80% ஒர்க் அவுட் ஆயிருக்கும். அத சிம்பு பன்னது முதல் ப்ரச்சனை…  ஆயிரம் கோடி ரூபா சொத்துக்கு வாரிசு அப்டிங்குற கெத்து பவன் கல்யாணோட முகத்துல பாடி லாங்குவேஜ்ல , வசன உச்சரிப்புல அசால்ட்டா தெரியும். அந்த சிம்புகிட்ட கொண்டு வரவே முடியல. அவர் ஒரு ரிச் boy அப்டிங்குறத காட்ட உள்ள பனியன் போட்டு மேல ஓரு சட்டை எக்ஸ்ட்ரா போட்டுருக்காரு அவ்வள்வுதான். அந்த கெட்டப்புல சிம்பு படம் முழுக்கவே க்ளைமாக்ஸ்ல வர்ற ஆக்‌ஷன் கிங் அர்ஜூன் மாதிரி இப்டியேதான் இருக்காரு.

அது மட்டும் இல்லாம ஹீரோ கதாப்பாத்திரம் சில இட்ங்கள்ல கேஷுவலா பேசனும். சில இடங்கள்ல காமெடியா பேசனும். சில இடங்கள்ல கோவப்பட்டு பேசனும். சில இடங்கள்ல செண்டிமெண்ட்டா பேசனும். ஆனா சிம்பு அனைத்து சிட்சுவேஷன்கள்லயும் ஒரே மாதிரிதான் பேசுறாரு. ஒரே ஸ்க்ரிப்டுல ஒரு ஹீரோ என்ன மாதிரியான ஒரு impact ah குடுக்க முடியும் அப்டிங்குறதுக்கு உதாரணமா இந்த அத்தாரிண்டிக்கு தாரெதியையும் வந்தா ராஜாவாத்தான் வருவேனையும் எடுத்துக்கலாம்.

இந்த தற்பெருமை பேசியா சாகடிக்கிற கூட்டம் ஒண்ணு இருக்குல்ல. அவய்ங்களுக்கு ஒரு சங்கம் வச்சா சிம்புவமும் அவங்க டாடியையும்தான் தலைவராப் போடனும். நூறு ஹிட்டு குடுத்த ரஜினி கமலே அவங்க தற்பெருமைய படத்துல பேசுறதில்லை. இவரு என்னான்னா எல்லா பட்த்துலயும் மன்மதன்… வல்லவன்…. சரி அடுத்து.. மன்மதன்.. வல்லவன்… சர்றா.. அடுத்து.. மன்மதன்… பதினைஞ்சி வருசமாச்சி நடிக்க வந்து… மன்மதன் வல்லவன் படத்த தவற பேர் சொல்ற அளவுக்கு கூட வேற படம் இல்ல… இதுல எனக்கா ரெட் கார்டு எடுத்துபார் ரெக்கார்டாம்… படம் எதுவும் ஓடாதப்பவே இந்தப்பேச்சுன்னா நாலஞ்சி படம் நல்லா மட்டும் ஓடிருந்தா.. இத்த்தான் ஆட்டுக்கு வால ஆண்டவன் அளந்துதான் வச்சிருக்கான்னு சொல்லுவாங்க ஊருக்குள்ள.

குறுகிய காலத்துக்குள்ளயே சிம்புவோட வளர்ச்சி ப்ரம்மிக்க வைக்கிது.ரொம்ப ஷார்ட் பீரியட்ல ஒரு நாலஞ்சு சுத்து பெருசாயிருக்கது பெரிய விஷயம் தான். டைட்டில் போடும்போது அப்டியே சிம்புவ freeze பன்னி அப்டியே பெய்ண்டிங்க் மாதிரி காமிப்பாங்க.  ஆஹ்.. வரவர மூஞ்சி டாடி மாதிரியே ஆயிட்டு இருக்கே.. படம் முழுக்கவே பாத்தா சிம்பு க்ளைமாக்ஸ்ல வர்ற ஆக்‌ஷன் கிங் அர்ஜூன் மாதிரி தான் வர்றாரு.

நா சுந்தர்.சி ய ரொம்ப நம்பி இருந்தேன். எப்டியும் நம்மாளு காமெடில கலக்கிருப்பாருன்னு. மெகா சொதப்பல். இந்த ஷூட்டிங் எடுக்கும்போது ஃப்ரேம்ல எதாவது எம்ப்டி ஸ்பேஸ் இருந்தா அங்க எதாவது ப்ராப்பர்ட்டிய வச்சி ஃபில் பன்னிக்குவாங்க. இப்ப வர்ற படங்கள்ல அந்த கேப்ப ஃபில் பன்ற ப்ராப்பர்ட்டியாத்தான் ரோபோ ஷங்கர யூஸ் பன்றாங்க. ஃப்ரேம்ல கேப் விழுகுதா.. அப்ப ரோபோ ஷங்கர தூக்கி அங்க நிக்க வைய்யி.. அவ்ளோதான். அவருக்கு காமெடியும் வர மாட்டேங்குது.. சீரியஸாவும் வர மாட்டேங்குது. யோகிபாபு வந்தப்புறம் ஓரளவு சிரிப்பு வருது. சிம்பு உருப்புடனும்னா சில தீய சக்திகள்கிட்டருந்து முதல்ல வெளிய வரனும். அதுல முதல் தீய சக்தி VTV கணேஷ்..

 சிம்பு எப்டி VTV கிட்டருந்து வெளிய வரனுமோ அதே மாதிரி சுந்தர்.சி ஹிப்ஹாஃப் ஆதிகிட்டருந்து வெளிய வந்தா அவருக்கு நல்லது.  இந்தப் பட்த்த கொத்துக்கறி போட்ட்துல மிக முக்கியமான பங்கு ஆதிக்கு உண்டு. DSP ய கிண்டல் பன்றவங்க இந்தப் பட்த்த பாத்துட்டு இதோட ஒரிஜினல ஒருதடவ பாருஙக். கால்ல விழுந்து கும்புடுவீங்க.

இதுவரைக்கும் லைக்கா பன்னதுலயே இத வந்து ஒரு வெய்ட்டான ப்ராஜெக்ட்ன்னு சொல்ல்லாம். ப்ரபு , ரோபோ ஷங்கர், யோகிபாபு, சிம்பு இவங்களோட வெய்ட்டு மட்டுமே கிட்டத்தட்ட ஒரு டன்னுக்கு மேல இருக்கும்.  சந்தான பாரதியல்லாம் நடிக்க வைச்சிருந்தா இன்னும் கூட வெய்ட்டான படமா அமைஞ்சிருக்க வாய்ப்பு இருக்கு.

சிம்பு இப்ப திரும்ப தொடர்ந்து நடிக்க ஆரம்பிச்சிருக்கத்து மகிழ்ச்சி… இவ்வாறாகச் செய்து வந்தால் ஒரு நாலஞ்சி பட்த்துல எதாவது ஒரு படம் ஹிட் ஆகுறதுக்கு வாய்ப்பு நிறையா இருக்கு. ஏன்னா நமக்கே தெரியாம சில சமயம் நல்ல ஸ்க்ரிப்ட் வந்து மாட்டும். விஜய் சேதுபதிக்கெல்லாம் அப்டித்தான். வருசம் பத்து படம் நடிக்கிறாரு. பத்துல அவருக்கே தெரியாம ஒரு ரெண்டு ஸ்க்ரிப்ட் நல்ல ஸ்க்ரிப்ப்டா மாட்டிக்கிரும். அப்டியே பெரியாளா ஃபார்ம் பன்னி வண்டிய ஓட்டிரலாம்.

மொத்தத்துல முதல் பாதிய விட ரெண்டாவது பாதி கொஞ்சம் பரவால்லன்னு படம் பாத்த சில பேரு சொன்னாங்க. ஆனா எனக்கு ரெண்டு ஆஃபுமே ஒரே மாதிரி தான் இருந்துச்சி. என்னைப் பொறுத்த அளவு ஒரு சுந்தர்.சி ரசிகனாவும் சரி, அத்தாரிண்டிக்கி தாரெதி ரசிகனாவும் சரி மிகப்பெரிய ஏமாற்றம்.

Tuesday, January 29, 2019

இணையத்தை கலக்கிய வாட்ஸாப் ஸ்டேட்டஸ் மீம்ஸ்!!!


Share/Bookmark




































Friday, January 11, 2019

பேட்ட – ரஜினி படம்..!! ரஜினி மட்டுமே படம்!!!


Share/Bookmark

மாறாததெல்லாம் மண்ணோடு.. மாறுவதெல்லாம் உயிரோடுகோச்சடையானில் வரும் ஒரு பாடல் வரி. காலத்துக்கு ஏற்ப மாறாத விஷயங்கள் விரைவில் காணாமல் போய்விடும். ஒருவர் ஒரு துறையில் நாற்பது ஆண்டுகள் அசைக்கமுடியாத ஒரு சக்தியாக திகழ்கிறார் என்றால் ஒவ்வொரு காலகட்டத்திற்கும் ஏற்ப மாற்றங்களை உள்வாங்கிக்கொண்டு அதற்காக தன்னை தயார்படுத்திக் கொண்டதுதான் முக்கியக் காரணம். அதுபோக ஒரு நடிகர் எந்த வித குறுக்கீடும் இல்லாமல் தன்னை முழுமையாக ஒரு இயக்குனரிடம் ஒப்படைக்கும்பொழுதே அந்த நடிகனின் முழுத் திறமையும் வெளிப்படுகிறது. இதைத் அன்றிலிருண்டு இன்றுவரை கடைபிடிப்பவர் திரு.ரஜினிகாந்த்.

அதே போல ஒரு மிகப்பெரிய ரசிகர் பட்டாளத்தை வைத்திருக்கும் ஒரு நடிகரை இயக்கும் இயக்குனர், அவருடைய ரசிகனின் பார்வையிலிருந்து அவரை ரசித்து இயக்கும்போதே மிகப்பெரிய ஆச்சர்யங்கள் நிகழ்கிறது. நான் ரஜினியின் மிகப்பெரிய ரசிகன். நான் அவரை எப்படியெல்லாம் பாக்கனும்னு ஆசைப்பட்டேனோ அதை மனசுல வச்சி உருவாக்கியிருக்கது தான் இந்த சிவாஜி திரைப்படம்இது சிவாஜி திரைப்பட உருவாக்கத்தின் போது ஷங்கர் சொன்னது. அவர் சொன்னது போலவே பட்த்தின் அவுட் புட்டும். ஒவ்வொரு ரசிகனும் ரஜினியை எப்படி பார்க்க நினைத்தானோ அப்படி இருந்தது திரைப்படம்.

அதே மாதிரியான ஒரு அற்புதத்தைதான் மீண்டும் கார்த்திக் சுப்பராஜ் நிகழ்த்தியிருக்கிறார்.அட.. இப்டி தலைவரப் பாக்காத்தானே நாங்கல்லாம் ஆசப்பட்டோம்என படம் பார்த்துவிட்டு இப்பொழுது கூறாதவர்கள் இல்லை. நாடி நரம்பு ரத்தம் சதை புத்தி அத்தனையிலயும் ரஜினிவெறி ஊறிப்போன ஒரு ரசிகனுக்கு அவர் படத்தை இயக்கும் வாய்ப்பு கிடைத்தால் அதன் வெளிப்பாடு இப்படித்தான் இருக்கும்.

பேட்ட ஆடியோ லாஞ்ச் ஃபங்க்ஷன்ல கார்த்திக் சுப்பராஜ் பேசும்போதுநாங்க தலைவர எந்தெந்த ஆங்கிள்ல காமிக்கனும்.. அவரு எப்டி வரனும்.. எப்டி நிக்கனும்னுலாம் உக்கந்து பேசிக்கிட்டே இருப்போம்என்றார். உண்மையில் அது ஒவ்வொரு ஃப்ரேமிலும் அப்பட்டமாகத் தெரிகிறது. பொதுவாக ஒரு படத்தின் காட்சியில் நடிகர் ஒண்றிரண்டு ஃப்ரேம்களில் அழகாகத் தெரிவார். ஆனால் பேட்டயில் ஒவ்வொரு ப்ரேமிலுமே தலைவர் அவ்வளவு அழகாக  இருக்கிறார்

அதற்கேற்றார்போல் கதை நடக்கும் இடம் மலைப்பிரதேசம். அந்த லொக்கேஷனுக்கும் அவருடைய காஸ்ட்யூமிற்கும் பார்த்துக்கொண்டே இருக்கலாம் போலிருக்கிறது. அதுவும் ஹாஸ்டலுக்குள் வந்து மாணவர்களை ஒழுங்கு படுத்தும் ஒன்றிரண்டு காட்சிகளையும் , இண்டர்வல் ப்ளாக்க்கில் உள்ளே போங்கடாஎன்று அரட்டுவதையும் சிங்கத்தின் கர்ஜனையுடன் ஒப்பிட்டால் அது சற்று குறைவாகத்தான் இருக்கும்.  அவ்வப்போது தலைவர் வைத்திருக்கும் ரேடியோவில் ஒலிக்கும் பழைய பாடல்கள் காட்சிகளை இன்னும் அழகாக்குகின்றன. ஸ்டண்ட் அதகளம். அதுவும் இண்டர்வல் ப்ளாக்கிற்கு முந்தைய பில்ட் அப் சீன் வெறித்தனம்.

பேட்ட ஒரு தனி திரைப்படமாக இல்லாமல் ஒரு ரஜினி ரசிகனின் ஒட்டுமொத்த ரஜினி சார்ந்த அனுபவங்களையும், இன்றைய ட்ரெண்டில் மூண்று மணிநேரத்தில் ரீவைண்ட் செய்து பார்க்கும் ஒரு அனுபவமாகத்தான் இருக்கிறது. மணல் மாஃபியா, RSS, டம்மி பீஸ் சிங்காரம் என படம் முழுவதும் நிஜத்தில் பார்க்கும் பல கதாப்பாத்திரங்களை உலவ விட்டு ஊமை குத்தாக குத்தி விட்டிருக்கிறார்.

ஒரு ரஜினி ரசிகனாகவும் ஒரு சினிமா ரசிகனாகவும் படத்தில் எனக்கு சில வருத்தங்கள் உண்டு. வழக்கமாக தலைவர் படங்களில் அந்த படத்திற்கான ட்ரேட் மார்ட் ரஜினி ஸ்டைல் என்று ஒண்று இருக்கும். பாட்ஷா “ஒருதடவ சொன்னா” , படையப்பா “சல்யூட்” , பாபா முத்திரை, சிவாஜியின் கூல் வசனம், எந்திரனில் டாட்.. அதுபோல பேட்டைக்கென்ற ஒரு ட்ரேட் மார்க் மூவ்மெண்டோ, பஞ்ச்சோ இருந்திருக்கலாம்.

அதேபோல ஹீரோ எந்த அளவிற்கு கெத்தானவர் என்பது வில்லன் எந்த அளவிற்கு பவர்ஃபுல்லானவர் என்பதைப் பொறுத்தே அமையும். அந்த வகையில் வில்லனின் கதாப்பாத்திரம் இன்னும் சிறப்பாக அமைக்கப்பட்டிருக்கலாம். நவாஸுதீன் கடைசி வரை கதாநாயகனுக்கு பயந்த ஒரு வில்லனாகத்தான் காண்பிக்கப்படுகிறார். அதுமட்டுமல்லாமல் அவர் எந்த அளவிற்கு பவர்ஃபுல்லானவர், அவர் செல்வாக்கு எப்படி என்பதெல்லாம் காண்பிக்கப்படவில்லை. விஜய் சேதுபதியை இன்னும் சிறப்பான வில்லனாக உபயோகித்திருக்கலாம்.

படம் வெளியாவதற்கு முன்பு அஜித் ரசிகர்களின் பெரும்பாலான பதிவுகள் “பேட்டயில் ரஜினியுடன் நிறைய கதாப்பாத்திரங்கள் நடித்திருக்கிறார்கள். தல அவர்களை ஒற்றை ஆளாக எதிர்க்கிறார்” என்பது போல இருந்தது. ஆனால் அதை அப்படியே மாற்றிக் கூற வேண்டும். படத்தில் அத்தனை பேர் இருந்தாலும் தலைவரின் கதாப்பாத்திரத்திற்கு அடுத்து படத்தில் அடுத்த வெய்ட்டான கதாப்பாத்திரம் யார் என்று கேட்டால் நிச்சயம் ஒருவரை குறிப்பிட்டு கூற முடியாது. ஆரம்பம் முதல் கடைசி வரை ரஜினி மட்டுமே கதையில் நிறைந்திருக்கிறார். மற்ற எந்த கதாப்பாத்திரமும் மெருகேற்றப்படவில்லை. சிம்ரன் கொஞ்ச நேரம், திரிசா கொஞ்ச நேரம், மேகா ஆகாஷ் கொஞ்ச நேரம் என பல கதாப்பாத்திரங்கள் கொண்டு வரப்பட்டு அப்படியே அத்துவிடப்படுகின்றன. (தலைப்பே இன்னொரு முறை படிக்கவும்)

அடுத்து இதற்கு முந்தைய பல பதிவுகளில் குறிப்பிட்டது போல, புறாவை மறைய வைப்பது பெரிய விஷயமில்லை. மறைந்த புறாவை திரும்ப கொண்டுவருவதில் தான் அடங்கியிருக்கிறது prestige. மொத்தக் கதையும் பின்னப்பட்டிருப்பது அந்த ப்ளாஷ்பேக்கை சுற்றித்தான். அப்படியிருக்க அந்த ஃப்ளாஷ்பேக் எவ்வளவு அழுத்தமாக அமைக்க முடியுமோ அப்படி அமைக்கப்பட்டிருக்க வேண்டும். பேட்டயின் ஃப்ளாஷ்பேக் இன்னும் சிறப்பாக செய்யப்பட்டிருக்கலாம். ரொம்ப அவசர அவசரமாக ப்ளாஷ்பேக் ஓடி முடிந்ததைப் போல இருந்தது மட்டுமல்லாமல், சசிகுமார், திரிசா கதாப்பாத்திரங்களெல்லாம் மனதில் ஒட்ட மறுக்கின்றன. 

அதே போல பேட்டவேலனின் அடாவடிகளை எதிர்பார்த்து காத்திருந்த நமக்கு சட்டென ஃப்ளாஷ்பேக் முடிந்ததும் ஒரு ஏமாற்றம். ஃப்ளாஷ்பேக் காட்சிகளை இன்னும் கொஞ்சம் இழுத்து பிந்தைய பகுதி ரிவெஞ்ச் காட்சிகளை கொஞ்சம் சுருக்கியிருக்கலாம்.

பின்னணி இசையில் அனிரூத் கலக்கியிருக்கிறார். கடந்த சில படங்களில் இல்லாத அளவுக்கு பாடல்கள் பேட்டயில் அதகளம். ஐந்து பாடல்களையும் முழுவதுமாக உபயோகித்திருக்கலாம். ஆஹா கல்யாணமும், பேட்ட பராக்கும் முழுவதுமாக இல்லாதது வருத்தமளித்தது.

ஒரே ஒரு பாட்ஷா தான். அதை யாராலும் உடைக்க முடியாது. நானே நினைச்சாலும் அந்த மாதிரி படம் எடுக்க முடியாது என தலைவர் முன்பொரு முறை சொல்லியிருந்தார். நூறு சதவிகித உண்மை. ஆனால் பேட்டயில் ஃப்ளாஷ்பேக்கும் வில்லனும் இன்னும் கொஞ்சம் மெருகேற்றப்பட்டிருந்தால் கண்டிப்பாக இதை அடுத்த பாட்ஷா என்றே கூறலாம்.

பேட்டயின் ட்ரெயிலரைப் பார்த்து உற்சாகமான நண்பர் ஒருவர் “நண்பா… நம்ம தலைவரு ஃப்ளாஷ்பேக்குல தலைவர் ரசிகராவே வந்தா எப்டி இருக்கும்.. முரட்டுக்காளை படத்துக்கு தலைவர் முதல் நாள் அளப்பரையா போய் படம் பாக்குற மாதிரி சீன் வச்சா செமையா இருக்கும்ல…”ன்னாரு… மெரண்டுட்டேன். உண்மையிலயே செம மேட்டர்.. அப்படி காட்சி அமைக்கப்பட்டால் உங்களுக்கு ட்ரீட் வைக்கிறேன் நண்பான்னு சொல்லியிருந்தேன். நானும் அப்படி இருக்காதா என எதிர்பார்த்துதான் காத்திருந்தேன். சிறிய ஏமாற்றம்.

”இதான்யா ரஜினி படம்.. அவர வச்சி இப்டித்தான் எடுக்கனும்” என்கிற வாசங்களை படம் பார்த்துவிட்டு வெளியில் வரும்போது கேட்ட முடிகிறது.  அதேபோல படம் முடிந்து வெளியில் வரும் அனைவர் முகத்திலும் பல நாட்களுக்கு முன் தொலைத்த எதோ ஒண்று மீண்டும் கிடைத்துவிட்ட திருப்தியும் மகிழ்ச்சியும் காண முடிகிறது. கண்டிப்பாக சிவாஜிக்குப் பிறகு முழுக்க முழுக்க ரஜினி படமாக வெளிவந்திருக்கும் இந்த பேட்ட அத்தனை பேருக்கும் பிடித்த படமாக இருக்கும்.
  

LinkWithin

Related Posts Plugin for WordPress, Blogger...