Saturday, May 7, 2016

24 – பூனைக்கு மணி!!!


Share/Bookmark
நடைமுறையில நடக்குறதுக்கு ஒரு சதவீதம் கூட வாய்ப்பு இல்லாத ஒரு விஷயம் டைம் ட்ராவல். ஆனா இந்த டைம் ட்ராவல் கான்செப்ட் மாதிரி இண்ட்ரெஸ்டிங்கானது எதுவுமே இல்லைன்னு சொல்லலாம். இந்த கான்செப்ட்ட ஒழுங்கா தெளிவா கையாண்டா, படம் பாக்குறவங்கள ஆச்சர்யத்தோட உச்சத்துக்கே கொண்டு போற அளவுக்கு ஸ்கிரிப்ட் எழுத முடியும். இத எத்தனையோ ஹாலிவுட் படங்கள் ப்ரூவ் பன்னிருக்கு. ஹாலிவுட்ல மூன்று நான்கு decades ah இந்த கான்செப்ட்ல படம் வந்துக்கிட்டு இருந்தாலும் தமிழ்ல இப்பதான் ஒண்ணு ரெண்டு படங்கள் எட்டிப்பாக்குது. ஏன் தமிழ்ல்ல இவ்வளவு நாள் இந்த டைம் ட்ராவல் கான்செப்ட்ட வச்சி படம் எடுக்காம இருந்தாங்கன்னு யோசிச்சா, ஒரே ஒரு முக்கியமான காரணம் என்னவா இருக்க முடியும்னா மக்களுக்கு இத எப்படி புரிய வைக்கிறதுங்குற குழப்பமாத்தான் இருந்துருக்கனும்.

முதல் முதலா போன வருஷம் “இன்று நேற்று நாளை” ன்னு ஒரு படம் வந்துச்சி. ஆனா அது எத்தனை பேருக்கு போய் சேந்துச்சின்னு தெரியல. விஷ்ணுவ எனக்கு புடிக்காதுங்குற ஒரே காரணத்துக்காக நானே இன்னும் அந்தப் படம் பாக்கல. அதுக்கப்புறம் வெகுஜனங்களுக்கு இந்த கான்செப்ட் சென்றடையிற மாதிரி முதல் முதலா ஒரு பெரிய ஹீரோவ வச்சி டைம் ட்ராவலுக்குள்ள தமிழ் சினிமா நுழைஞ்சிருக்கு. இந்தப் படம் நல்லா இருக்கோ இல்லையோ. ஆனா இது தமிழ்/தெலுங்கு சினிமாவுல  டைம் ட்ராவல் கான்செப்ட்ல நிறைய படங்கள் வர்றதுக்கு ஒரு முக்கியக் காரணமா இருக்கும்ங்குறதுல சந்தேகமே இல்லை.

மிஸ்டர் பீன் எபிசோடுகள்ல ஒரு விஷயம் நோட் பன்னிருப்பீங்க. ரோவன் அட்கின்சன் கிறிஸ்மஸ் அன்னிக்கு ஒரு கிரீட்டிங் கார்டு வாங்கி கவருக்குள்ள வச்சி  அவர் வீட்டுக்குள்ள போட்டுருவாரு. கொஞ்ச நேரம் கழிச்சி திரும்பி வீட்டுக்குள்ள வந்து அந்தக் கவர வேற யாரோ அவருக்கு அனுப்புன மாதிரி நினைச்சி ஆச்சர்யமா பிரிச்சி பாத்து அவரே சர்ப்ரைஸ் ஆகிக்குவாரு. ஆனா அந்த மாதிரி நம்மளால இருக்க முடியாது. நமக்கு ஏற்கனவே பரிட்சையமான ஒரு விஷயத்த புதுசா பாக்குற மாதிரி பாத்து ஆச்சர்யப்பட முடியாது. அதனால ஏற்கனவே ஒருசில டைம் ட்ராவல் படங்களைப் பாத்த எனக்கு இந்தப் படம் என்ன இம்பேக்ட குடுத்துச்சின்னு தான் இதுல பாக்கப்போறோம். முதல் தடவ பாக்குறவங்களுக்கு இந்தப் படம் என்ன சர்ப்ரைஸ் குடுத்துச்சின்னு என்னால யூகிக்க முடியாது. எனவே படம் பாக்குற ஐடியாவுல இருக்கவங்க அப்புடியே ஸ்கிப் பன்னி கடைசி பாராவுக்கு போயிடலாம்.

விக்ரம் கே. குமாருக்கு இந்த அமானுஷ்யம், பூர்வ ஜென்மத்து மேலயெல்லாம் ரொம்ப இண்ட்ரெஸ்ட் போல. இவர் சிம்புவ வச்சி எடுத்த அலை மட்டும் மரண மட்டை. யாவரும் நலத்துக்கு அப்புறம் தெலுங்குல நிதின் ah வச்சி எடுத்த Ishq செம ஹிட்.  யாவரும்நலம் பாத்த எக்ஸ்பீரியன்ஸ இன்னும் என்னால மறக்க முடியல. படம் ஆரம்பத்துலருந்து கடைசி வரைக்கும் கொஞ்சம் கூட பிசிறாம எங்கேஜ் பன்னிவச்சிருந்த படம். அதே மாதிரி தான் “மனம்” ஒரு மாஸ்டர் பீஸ். அப்படிப்பட்டவரு ஒரு டைம் ட்ராவல் படம் எடுக்குறாருன்னு நினைக்கிறப்போ உண்மையிலே நா ரொம்ப எதிர் பாத்தேன். ஆனா படத்துல அவர் குடுத்த ஆச்சர்யங்களை விட ஏமாற்றங்கள் தான் அதிகம்னு சொல்லலாம்.

டைம் ட்ராவல் நடைமுறையில சாத்தியமில்லைன்னாலும் அது நடந்தா எப்படி நடக்கும்குறதுக்கு தியரி நிறைய இருக்கு. அதுல ஒண்ணு ரெண்ட படிச்சிப் பாத்தாவது நம்மாளு கொஞ்சம் டைம் மிஷினப் பத்தி டீட்டெய்லிங் பன்னிருக்கலாம். ஆனா அவரு படத்துல பன்னிருக்கது என்னனா அட்டகாசம் அஜித் மாதிரி “கண்ணாடியத் திருப்புனா வண்டி ஓடும்” டைப் தான்.

ஒவ்வொரு சீனும் ஓவ்வொரு ஷாட்டும் ஒண்ணுக்கொண்ணு ரிலேஷன் இருக்க மாதிரியோ இல்லை ஸ்க்ரீன்ல காமிக்கிற ஒவ்வொரு பொருளுக்கும் ஒரு பர்ப்பஸ் இருக்குற மாதிரியோ சீன்ஸ் வச்சிருக்காரு. ஒண்ணு ரெண்டுன்னா பரவால்ல. எல்லா பொருளையுமே அப்டி காமிக்கிறது ரொம்ப ஆர்டிஃபீஷியலா இருக்கு.  Bubble gum துப்புறது அதுல சாவி ஒட்டிக்கிட்டு வர்றது, கரண்ட் ஷாக் அடிக்கிறது அது மூலமா வாட்ச் சார்ஜ் ஆகுறதுன்னு இந்த மாதிரி இன்னும் நிறைய.

முதல் கால் மணி நேரத்துல கதைக்கான ஆரம்பத்தையும், வில்லன் சூர்யா எவ்வளவு கொடூரமானவங்குறதையும் காமிக்கிறாங்க. லொக்கேஷனும் வில்லன் சூர்யா கெட்டப்பும் சூப்பர். சைண்டிஸ்ட் சூர்யா அப்படியே “ஹாய் மாலினி.. நா இத சொல்லியே ஆகனும்” கெட்டப்புல இருக்காரு. பேசுறது கூட அதே ஸ்லாங்கு. சகிக்கல.

வில்லன் சூர்யாவத்தவற ஆர்டினரி சூர்யாகிட்ட இருக்கது ரெண்டே வேறியேஷன் தான். ஒண்ணு “நீங்கல்லாம் பெருமையா சொல்லிக்கலாம்….” டைப். இன்னொன்னு வாரணம் ஆயிரம் படத்துல வர்ற மாதிரி “ப்பா.. I need this paa… I need this paa” டைப். அடிக்கடி சூர்யா பேசும்போது இந்த ரெண்டு வசங்களும் அதுல அவர் பேசுன ஸ்லாங்கும் தான் ஞாபகம் வருது.

டைம் மெஷின் சூர்யா கைக்கு கிடைச்சப்புறம்… ச்ச அத டைம் மிஷின்னு சொல்லவெ ஒரு மாதிரி இருக்கு. அந்த வாட்ச் சூர்யா கைக்கு கிடைச்சதும், சூர்யா டைம் ட்ராவல செக் பன்னி பாக்குறதெல்லாம் பாபா படத்துல தலைவர் பட்டம் விட்டு செக் பன்னுவாரே.. அந்த ரேஞ்சு.

படத்த பெருமளவு மொன்னையாக்குறது சமந்தா தான். தமிழ் சினிமாவும், தெலுங்கு சினிமாவும் இந்த சமந்தாவ என்னிக்கு விடப்போறாய்ங்கன்னு தெரியலயே. குருநாதா.. இதுக்கு மேலயும் என்னால இதுக்கு மேல பொறுக்க முடியாது குருநாதா… சூர்யா சமந்தா காதல் காட்சிகள் வழ வழ கொழ கொழ மட்டும் இல்லாம ரொம்ப நீளமான சீன்ஸ் எல்லாம்.

சில இடங்கள்ல படத்துல எனக்கு சிரிப்பே வந்துருச்சி. வாட்ச் ரிப்பேர் பன்றவனால டைம கன்ரோல் பன்ன முடியும்னு ஒரு புது கான்செப்ட கொண்டு வந்துருக்காய்ங்க பாருங்க.. ஸ்டன் ஆயிட்டேன். கமல் சொல்ற மாதிரி தூக்கம் வரலன்னா கொட்டாவி விட்டா தூக்கம் வந்துருமாடா? என்னங்கடா உங்க லாஜிக்கு? டைம் ட்ராவலுக்கும் வாட்ச்சுக்கும் என்னடா சம்பந்தம்? அவங்க அப்பா என்னன்னா அவர் ஒரு வாட்ச் கம்பெனில வேலை பாத்துட்டு, சயிண்டிஸ்டாயி டைம் ட்ராவல் பன்ற வாட்ச கண்டுபுடிக்கிறாரு. புள்ளை என்னடான்னா சவுக்கார் பேட்டை சந்துல வாட்ச் மெக்கானிக்..  அவரு பன்றது அதுக்கும் மேல.

உலகம் சுற்றும் வாலிபன் படத்தோட முதல் சீன். வெளில இடி பயங்கரமா  இடிச்சிட்டு இருக்கும். புரட்சி தலைவரு ரூமுக்குள்ள உக்காந்து ஜன்னல் வழியா இடி இடிக்கிறத கண்ணால பாத்துக்கிட்டே ஒண்ணாப்பு பையன் நோட்டுல வீட்டுப்பாடம் எழுதுற மாதிரி வேகவேகமா என்னவோ எழுதுவாரு. திடீர்னு கண்துபுஸ்தேன்… கண்துபுஸ்தேன்னு கத்துவாரு (கண்டுபுடிச்சிடேன் கண்டுபுடிச்சிட்டேன்). என்னத்தடா கண்டுபுடிச்சாருன்னு பாத்தா இடி இடிக்கும்போது மின்னலோட சக்தில பத்துல ஒரு பங்க புல்லட்டுல எப்புடி சேமிக்கிறதுங்குறத கண்டுபுடிச்சிட்டேன்ம்பாரு. எப்புடி? ரூமுக்குள்ள உக்காந்து கண்ணால இடியப்பாத்தே..

அதப்பாக்கும்போது எவ்வளவு சிரிப்பு வந்துச்சோ அதவிட அதிகமா இங்க ஒரு சீன்ல சிரிச்சேன். அப்பா சூர்யா கண்டுபுடிக்கிற டைம் ட்ராவல் பன்ற வாட்ச் ah வச்சிக்கிட்டு ஒரு நாள் முன்ன இல்லை பின்ன தான் டைம் ட்ராவல் பன்னலாம். ரொம்ப நாள் பின்னால போக முடியாது. இதக் கேள்விப்பட்ட சூர்ய ஒரு நாள் நைட்டு வாட்ச வச்சிட்டு உக்காருவாரு. பிரிப்பாரு. அதுக்குள்ள என்னவோ சேப்பாரு. சேத்துட்டு “ப்பா.. நீங்க மணிக்கனக்குல ட்ராவல் பன்றதுக்கான ஆப்ஷன் மட்டும் தான் குடுத்துருக்கீங்க. நா அதுல நாட்கள் ட்ராவல் பன்ற மாதிரி சின்ன மாடிஃபிகேஷன் பன்னிருக்கேன்… இப்ப நீங்க பல நாட்கள் கடந்து போகலாம்.. வருஷங்கள் கடந்து போகலாம்” ந்ன்னு சொல்லுவாரு பாருங்க. அடேய்…. என்னடா வாட்ச் கடையில பழைய பேட்டரிய கழட்டிட்டு புது பேட்டரி மாத்துற மாதிரி சாதாரணமா சொல்லிக்கிட்டு இருக்கீங்க.. இது டைம் ட்ராவல்டா… கொஞ்சமாவது மதிங்கடா.

அதுலயும் 1990 லயே அவங்க அப்பா அந்த வாட்ச்ல நம்ம ஆண்ட்ராய்டு ஃபோன் ரேஞ்சுக்கு பல அப்ளிகேஷன்கள இன்ஸ்டால் பன்னி குடுத்துருப்பாரு. Flight mode , Silent mode மாதிரி Freeze mode ன்னு ஒண்ணு….. இது ஒண்ணு ரெண்டு சீன்ல கொஞ்ச நல்லா இருந்தாலும், தோத்துப்போன க்ரிக்கெட் மேட்ச ஜெயிக்க வைக்கிறது, தோணிக்கிட்ட போய் ஃபோட்டோ எடுக்குறதெல்லாம் மிடில.

ரெண்டு விதமான டைம் ட்ராவல் கான்செப் இதுவரைக்கும் சினிமாவுல யூஸ் பன்னிருக்காங்க. ஒண்ணு நீங்க டைம் ட்ராவல் பன்னி 10 வருஷம் பின்னால போனா, பத்து வருஷம்  முன்னால நீங்க எப்டி இருந்தீங்களோ அப்டி ஆயிருவீங்க. அதாவது உங்க வாழ்க்கை பத்துவருஷம் பின்னால போகும். அவ்வளவுதான். ரெண்டாவது கான்செப்ட்ல டைம் ட்ராவல் பன்னி 10 வருஷம் பின்னால போனீங்கன்னா, அங்க நீங்களும் இருப்பீங்க.. உங்கள விட பத்து வயசு குறைவான உங்களோட younger version னும் இருப்பான். அதாவது ரெண்டு பேர் இருப்பீங்க. (புரியலன்னா இந்த பாராவ திரும்ப ஒருக்கா படிங்க… நா எழுதுனது எனக்கே புரியல) இதுல முதல் கான்செப்ட்ட விட ரெண்டாவது கான்செப்ட் தான் ரொம்ப சக்ஸஸ்ஃபுல். ரெண்டாவது கான்செப்ட்ட தான் நல்லாவும் எடுக்கலாம். ஆனா நம்ம விக்ரம் கே.குமார் 24 படத்துல உபயோகிச்சிருக்கது முதல் விதம். சற்று டொம்மையா தான் இருக்கு.

வில்லன் சூர்யா தான் படத்துக்கு பெரிய பலம். அவருக்கான காட்சிகள், கெட்டப் எல்லாமே செம. நல்லாவும் நடிச்சிருக்காரு. மத்த ரெண்டு கெட்டப்புமே மட்டை. க்ளைமாக்ஸ் பயங்கராமா எதிர்பாத்தேன்.. மொத்தம் நாலு சூர்யா க்ளைமாக்ஸ்ல இருக்க போறாங்க.. செமையா இருக்கப்போவுதுன்னு பாத்தா அல்வா தான் மிச்சம்.

பாட்டெல்லாம் ஓக்கே. “புன்னகையே” ந்ன்னு ஒரு பாட்டு சூப்பரா இருந்துச்சி.. ஆனா படத்துல அது வரல. பாட்டுக்கெல்லாம் choreographer இல்லாம இவய்ங்களே எடுத்துருப்பாய்ங்க போல.. சும்மா நடந்துக்கிட்டும் ஓடிக்கிட்டும் கப்பித்தனமா இருக்கு. அதுலயும் சமந்தாவுக்கு ட்ரெஸ் ப்ரமாதம்.. ஆம்பள மாதிரி இருக்கு.

சமீபத்துல வந்த Looper, Presdestination படத்தல்லாம் கம்பேர் பன்ன வேணாம். ரொம்ப advanced.  30 வருசம் முன்னால வந்த Back to the Future படத்துலயே பட்டைய கெளப்பிருப்பாய்ங்க. ரெண்டாவது பார்ட் க்ளைமாக்ஸ். டைம் ட்ராவல் மெஷின கண்டுபுடிச்ச சயிண்டிஸ்டும், அவரோட ட்ராவல் பன்ற ஹீரோவும் இருப்பாங்க. க்ளைமாக்ஸ்ல சயிண்டிஸ்டோட மெஷின் எதோ மால் ஃபங்ஷன் பன்னி டைம் ட்ராவல் ஆகி எங்கயோ போயிடுவாரு. ஹீரோ மட்டும் தனியா என்ன பன்றதுன்னு தெரியாம முழிச்சிட்டு இருப்பான். அப்ப ஒரு கார் அந்த இடத்துக்கு வரும். அதுலருந்து ஒருத்தன் இறங்கி வந்து ஹீரோகிட்ட ஒரு லெட்டர குடுப்பான். லெட்டர பிரிச்சி பாத்தா, கொஞ்ச நேரத்துக்கு முன்னால டைம் ட்ராவல் பன்னி காணம போன சயிண்டிஸ்ட் இவனுக்கு 1885 ல எழுதுன லெட்டர். 1885 க்கு ட்ராவல் பன்னி போன சயிண்டிஸ்ட் ஹீரோ இன்னிக்கு மாட்டிக்கிட்டு முழிப்பான்னு தெரிஞ்சி, ஒரு லெட்டர் எழுதி அத கரெக்ட்டா இந்த டைமுக்கு இவன்கிட்ட கிடைக்கிற மாதிரி செஞ்சிருப்பாரு. (இதுவும் உங்களுக்கு புரிஞ்சிருக்காது. எனக்கும் புரியல) தயவுசெஞ்சி Back to the future பாக்கதவங்க பாருங்க. புல்லரிக்கும் அந்த சீன்.

ஆனா இங்க கமர்ஷியல் ஐட்டங்களை சேர்க்குறேன்னுட்டு நிறைய இடங்கள்ல ட்ராக்குலருந்து விலகிருச்சி படம். ஒரு சில சீன்கள்ல சூர்யாவ பாக்கும்போது இது இளைய தளபதி விஜய் நடிக்க வேண்டிய படமோன்னு கூட தோணுச்சி.


மொத்தத்துல முதல் முதலா டைம் ட்ராவல் படம் பாக்குறீங்கன்னா உங்களுக்கு படம் சுவாரஸ்யமா இருக்கலாம். ஆனா ஏற்கனவே பரிட்சையமானவங்களுக்கு 24 ஒண்ணும் அவ்வளவு சுவாரஸ்யமா இருக்காது. 


பதிவுகளை இலவசமாக ஈமெயிலில் பெற

5 comments:

Alex said...

Siva plz watch indru nrtru nalai one of my fav film dont skip a best movie for their actors pls

Madhu said...

Ulaham sutrum valiban movie la ipdi oru scene iruka !! ha ha ha sema comedy :-)

ROBOT said...

unmaiyilaye nalla eduthu iruka vendiya kathaiya sothapitaanga...

andha 24 hrs poratha pala varushama ore night la panrathu ellam mudiyala ...

Apuram samantha address scene, basically i am a watch mechanic lam oru thadava sonna parava illa.. padam mudiyura varaikum solli blade potta enna panrathu..


seriousa small budget la edutha netru endru naalai la evlavo logic nalla irukkum.. pls watch that movie...

Sri Ram said...

அருமை..உங்க விமர்சனத்துல என்னக்கு புடிச்ச விஷயமே அந்த Humor Sense தான். 'புலி' விமர்சனம் தான் so far the best.
இந்த தடவை கண்துபுஸ்தேன்… கண்துபுஸ்தேன்...hit part of the review!சத்தியமா கண்ல தண்ணி...! (சிரிச்சு...சிரிச்சு)

Anonymous said...

Thank you thalaiva....AED 35.00 saved.....

Seshan/Dubai

LinkWithin

Related Posts Plugin for WordPress, Blogger...